سوشيال تريند
أعاد رواد موقع التواصل الاجتماعي، تداول تصريحات سابقة للإعلامية ندى رحمي، تكشف فيها سر خسارتها 80 كيلو من وزنها خلال أسابيع.
وقالت ندى رحمي خلال لقاء مع الإعلامي شريف عامر ببرنامج “يحدث في مصر”، أنها أجرت عملية تكميم للمعدة، قائلة: “أنا لو مليش رزق مكنتش خرجت من عملية تكميم المعدة حية.. أنا ليا رزق في الشغلانة دى”.
«بدون ريجيم».. ندى رحمي تكشف سر خسارتها 80 كيلو من وزنها في أسابيع
وأضافت: “قررت أخس علشان نفسي علشان صحتي دي ربنا هيحاسبني عليها بعيدا عن أي حاجة، ثم كلام الناس لأن أنا كان بيجيلي مسدجات على انستجرام كلام اللي ينفع منه يتقال على التليفزيون أنتى بيطلعوكي في التليفزيون إزاي”.
وتابعت: “سعادتى في الحياة هى الأكل وفقدت ذلك بعد العملية ودخلت في حالة اكتئاب.. ولكن اكتشفت حياة أخرى وعرفت أمشى وألبس وفكرى تغير.. قبل العملية أكلت محشى.. وماما غيرت عربيتها بعد ما خسيت علشان وفرتلها في الأكل”.
وفي وقت سابق، نشرت ندى رحمي، مقطع فيديو عبر حسابها الرسمي على موقع تبادل الصور والفيديوهات «إنستجرام»، تقول فيه: «بتنتقدوا إني مبحطش ميك اب ومبطلعش بالصورة اللي عايزينها، أنا واحدة مش شغالة بقالي سنة و3 شهور، قاعدة في البيت على المستوى الفني والإعلامي، ومعنديش مصدر رزق تاني».
وتابعت :”خسيت 100 كيلو، وزني كان 200 كيلو، سمعت ناس بتقولي انتي شبه البقرة.. بتلاقي بناطيل ازاي على مقاسك، بتنامي على سراير إزاي زينا ولا بتنامي على أسمنت صب”.