سهير جودة تثير الجدل: “الموسيقى زي الصلاة بتدي إحساس بالأمان والراحة”

أكدت الإعلامية سهير جودة، إن مصر تعيش ليالي مميزة حاليا، بسبب مهرجان الموسيقى العربية في دورته الـ 31، الذي انطلق الأيام الماضية، وذلك خلال لقاء تلفزيوني لها.

وقالت سهير جودة: “الموسيقى مثل الصلاة، كلاهما يعطي الشعور بالأمان، حسب وصفها”.

وتابعت: ” الأصوات مميزة في المهرجان زي مي فاروق وآيات فاروق ومروة ناجي، هن أصوات محتاجة صناعة، هما نجوم بكل ما تحمله الكلمة من معنى، وهما عندهم كل مهارات النجوم، زي الصوت والحضور اللافت على المسرح، لكن إحنا ناقصنا صناعة النجوم ومحتاجين المهرجان ده أكتر من مرة في السنة، ومحتاجين نسمع هاني شاكر وعاصي الحلاني وراغب علامة وعفاف راضي وعلي الحجار ومدحت صالح أكتر من مرة في الأوبرا”.

وأضافت: “كل الناس اللي كانوا موجودين في مهرجان الموسيقى واللي مستمر حتى يوم الخميس الجاي حالة من الروعة، أكتر حاجة ممكن تستوقفك الناس، والمسرح بيبقى فيه 2000 واحد، وأغلبهم ناس بتيجي على كرسي أو على عكاز، والجمهور اللي بيحضر المهرجان بيقولوا إن مصر لسه بخير، ذوقها لسة حلو، وإن قوة مصر الناعمة هتفضل  كبيرة ومؤثرة”.