سوشيال تريند
كشفت الفنانة بدرية طلبة، عن أغرب طلب تلقته من جمهورها على مواقع السوشيال ميديا، وذلك من خلال منشور دونته على حسابها الشخصي، عبر موقع تبادل التواصل الاجتماعي فيسبوك.
وقالت بدرية طلبة: “بتجيلي طلبات تدهشني زي مثلا واحدة طلبت 15 مليون تسددهم للبنك لأنها واخدة قروض هي واخواتها يعملو مشروع والمشروع فشل وخسرو فلوسهم والبنك أخذ حكم عليهم التمست لها العذر لأنها غرقانة والغرقان بيدور على قشاية زي ما بيقولو وطبعا أنا ولا رديت عليها لأن اللي يفك كرب حد مش حيفكه بالرقم دا، دا لو كان معايا أصلا لكن واحدة زي دي لما تطلب طلب زي دا هنا بقي الاندهاش زاد جدا عندما طلب آخر مني عربية، عربية أية حضرتك!!! حضرتك أنا بدرية طلبة مش توكيل هوندا”.
وشاركت الجمهور صورة لمحادثة، كان نصها: “السلام عليكم أنا بحب حضرتك جدا، وبحب كل أعمالك ربنا يوفقك يارب، أنا نفسي يكون عندي عربية أروح بيها الجامعة حتى لو عربية مستعملة ده حلمي، ممكن تساعديني وهكون متشكر لك جدا جدا، حلمي من زمان أروح الجامعة بعربيتي، حتى لو هتكون عربية مستعملة، ده حلمي”.