بعد واقعة الكشري.. حمو بيكا يعد عامل النظافة بمفاجأة كبيرة

وجه مطرب المهرجانات الشعبية حمو بيكا، رسالة لعامل النظافة صاحب واقعة محل الكشري، عبر حسابه الشخصي على موقع التواصل الاجتماعي “إنستجرام”.

وكتب: “محمد الجدع ويا ريت يكون دا اسم شهرتك في الدنيا بعد كدا، عشان إنت جدع وتستاهل كل خير، رسالة ليك من أخوك حمو بيكا أنا معاك يا حبيبي في أي حاجة محتاجها في حياتك من الألف إلى الياء.. متشغلش بالك بحاجة كلنا في ضهرك”.

وتابع: “ليك عندي مفاجأة كبيرة أوي إن شاء الله تعجبك يا حبيبي يا جدع”.

وأعلن مؤدي المهرجانات حمو بيكا، عن تفاجئه من نقص عدد المتابعين لديه داخل حسابه الشخصي بموقع التواصل الاجتماعي “فيسبوك”.

ونشر حمو بيكا فيديو له عبر “إنستجرام”، وتحدّث فيه قائلًا: “أنا كان عندي على الفيسبوك 131 ألف، فتحت الفيسبوك لقيته 9 آلاف، إزاي دا أنا مش عارف، كل الناس اللي كانت عندي طاروا”.

وتابع قائلًا: “كنت 6 مليون و400 ألف علي الأكونت بتاعي طار مني 100 ألف، حد يشوفلي صرفة ويرجعلي الناس بتاعتي علشان الدنيا كده بتبوظ، بسرعة حد يكلم مارك”.

يذكر أن مؤدي المهرجانات حمو بيكا وجه التهنئة للفنان مصطفى كامل على فوزه بانتخابات نقابة الموسيقيين، قائلاً: “ربنا ينصره.. الحمد لله إنه نجح وكسب”.

وتابع حمو بيكا، خلال مداخلة هاتفية لـ برنامج “يحدث في مصر” المذاع على فضائية “إم بي سي مصر”: “ربنا معاه.. وهجرب حظي تاني مع النقابة.. وأهم حاجة الأصول والضوابط.. إحنا عاوزين حد معانا يمشينا لو إحنا ماشيين غلط.. وإحنا ورا منهم عمرنا ما نقول لا”.