سوشيال تريند
شن الإعلامي محمود سعد، هجومًا ناريًا، على حسين حبيب والد الفنان حسام حبيب، بعد تصريحاته الأخيرة عن نجله بسبب ما قاله إنه تربية ست.
وقال محمود سعد خلال برنامجه على «يوتيوب»: «إمبارح الأب حب يعاتب ابنه ويقول له كلام جارح ومهين، إنت عملت وسويت أصلك تربية وحدة ست، وإذا كان كتب الكلام ده فعلا لازم تعتذر لابنك».
«خيبة وقلة أدب».. رسالة نارية من محمود سعد لـ والد حسام حبيب
وأضاف: «الستات بتربي العيال بسبب خيبة الرجالة وظلمهم وقلة أدبهم وقهرهم للستات، لإن الأب مشغول مش فاضي، أو يروح يتجوز واحدة تانية ويسب لها العيال تشتغل وتكافح، تقوم تقول له إنت تربية ست تقصد بها الإهانة! أظنك كنت تقصد بيها الشرف وإن الست عرفت تربي».
وتابع: «الست لما تربي نعمل لها احتفالات ونقول لها إنت ست عظيمة وكافحتي، لإن مش ضمن مسؤوليتها الأساسية تربي وتنفق وتعمل كل حاجة، وأنا من أجمل الحاجات اللي حصلتلي إني تربية ست، وعرفت يعني إيه جدعنة وشهامة، وست عندها أربع عيال والشارع كله بيحترمها».