سوشيال تريند
تعرضت الفنانة راندا البحيري لوعكة صحية بشكل مفاجئ، الساعات الماضية، حيث قالت إنها أصيبت بنزلة معوية حادة مع مغص كلوي شديد.
وأكدت البحيري في تصريحات صحفية، أنها خضعت للتحاليل والإشاعات اللازمة مشيرة إلى أنها خرجت من المستشفى وعادت إلى منزلها.
بعد شيرين.. نقل فنانة شهيرة إلى المستشفى في حالة طارئة
وفي وقت سابق، دخلت راندا البحيري، في نوبة بكاء أمام جمهورها، اثناء توجيه رسالة دعم للفنانة شيرين عبد الوهاب، بعد الحديث عن دخولها مستشفى لعلاجها من الإدمان.
وقالت راندا: “أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين.”
وتابعت: “قرار اعتزالها قبل كدة ضايقني جدا، وتعبني، وكنت مضايقة اننا مش هنستمتع بشيرين كمطربة تاني”.
وأضافت: “بتمنى انك تكوني عارفة غلاوتك ومقدارك عند ناس كتير جدا كبير، والواضح أنك مش عارفة كده خالص، لأنك لو عارفة المشكلة هتخلص، والواحد دايما محتاج دافع عشان يعيش عشانه، ومحتاج حاجة يبقى عايش لها، تجدد شغفه عشان يعيش في الدنيا”.
وأكدت: “حب الناس والشغل حاجة كبيرة جدا، إنها تخلي الواحد يبقى عايش ويتمسك بالدنيا ويقف قدام أي مرض وأي حاجة لو متأكد ان اللي حوليه بيحبوه، وإن فيه ناس كتير أوي ممكن تتأثر بجد وتزعل على زعله وتتبسط لإنبساطه”.