سوشيال تريند
حلت الفنانة شيرين عبد الوهاب، الساعات الماضية، ضيفة في برنامج صاحبة السعادة مع الإعلامية إسعاد يونس، والذي كشفت فيه عن العديد من أسرار حياتها الخاصة.
وروت شيرين تفاصيل خناقة جمعتها مع الفنانة منة شلبي، قائلة: “منة كانت عاملة حجز عشاني في منتجع، عشان أسافر أعمل ديتوكس وأخس”.
«بهدلتها».. خناقة نارية بين شيرين ومنة شلبي والسبب كريم عبد العزيز!
وتابعت: “يوم سفري كنت مع كريم عبد العزيز وقاعدين نهزر، وطبعا هو صاحبي جدا وجاري، وبنروح نسهر معاه في بيت مراته وولاده”.
وأضافت: “كريم كان مش عايزني أسافر وخايف عليا، ومنة على التليفون بتقول والله إنت مش نافعة، ومش هكلمك تاني لو الطيارة فاتتك”.
وأكملت شيرين: “فعلا اكتشفت إني مسافرة مع باسبور مفيش عليه فيزا، والطايرة فاتت ورجعت لكريم أكمل السهرة، مع إني كنت دافعة مبلغ كبير”.
واختتمت: “كريم زعل منها شوية، وقال لها ليه بتعملي كده، إحنا ما بنصدق نشوفها، وبهدلتنا إحنا الاثنين”.