سوشيال تريند
خطفت الإعلامية الشابة سالي عبد السلام الأنظار مساء السبت الماضي الموافق 1 أكتوبر، بإطلالة راقية و أنيقة خلال الأحتفال بزفافها في إحدى الفنادق الكبرى بالقاهرة وسط حضور نخبة كبير من نجوم الفن و المشاهير.
وكشفت سالي عبدالسلام، عن هوية زوجها بعد نشر الكثير من المعلومات المغلوطة حول عمله وهويته، ونشرت سالي عبدالسلام، صور من الحفل عبر صفحتها الشخصية بموقع “إنستجرام”، وعلقت عليها قائلة: “الحمدلله الذى تتم بنعمته بالصالحات، ما شاء الله اللهم بارك، لما يتقالى مصر كلها فرحنالك ده رزق، لما الناس دى كلها اللى بحبها تيجى ده رزق، كل واحد عمل شغله بحب فى الفرح ده رزق”.
وأضافت: “إن يتقالى قفلتى الجيزة كلها ومفيش مكان فى باركينج الأوتيل، الناس بتركن برا صف تالت عشان تجيلكوا ده رزق وإحنا آسفين، طول عمرى كان نفسى اتجوز ظابط محترم وطيب وبيخدم الناس لله، ربنا رزقنى بظابط مهندس، مقدم مؤمن الباز، ابن عمدة الشرقية الحاج سالم حبيبى الله يسعده”.
وتحدثت سالي عبد السلام عن زوجها قائلة: “صبرنا أنا ومؤمن ٣٦ سنة وهو صبر ٤ أيام أكتر، هو أكبر بـ ٤ أيام.. كل المعلومات اللى الاخوة الصحفيين كتبوها مش صح، لا رجل أعمال ولا خريج الـAUC، الحمدلله حمداً كثيراً، وبرضه محدش هيصدق عرفنا بعض إزاى”.
وأضافت: “يا طيب يا جدع يا محترم يا خدوم يا ابن الحلال…بحبك فى الله يا طيب. ربنا يرزق الكل يا رب، إدعولنا محتاجين دعوات كتير أوي، جبرنا بخاطر الكل، يا رب اجبر بخاطرنا”.