بعد تعرضها للتحرش| أجرأ إطلالات لـ ريهام عبدالغفور صدمت الجميع.. شاهد

أكدت الفنانة ريهام عبدالغفور، أنها تعرضت إلى التحرش الجنسي في فترة طفولتها، وذلك خلال استضافتها في برنامج “abtalks” مع أنس بوخش الذي يعرض على موقع اليوتيوب.

وقالت ريهام: “وأنا صغيرة تعرضت لحاجة من حد مكنش متوقع خالص، مش هقول تحرش أو كده، حاجة في الاتجاه ده، كانت حاجة صادمة بالنسبالي، لإن هو كان راجل يكاد يكون أقد جدي، مش أقد أبويا، وبالنسبة لأهلي شخص موثوق فيه”.

وتابعت: “دي قصة أنا تخطيتها السنة دي، وحكيت لجوزي لأول مرة والبيست فريند بتاعي وبس، ومحكتش لأي حد تاني”.

وأضافت: “ابني يوسف الكبير، عارف برضه، بس مش بتفاصيل، دايما يوسف بيقولي إنت حاجتك الشخصية، الحاجات اللي تعرضتيلها، خلتك بقيت معانا حريصة زيادة، هو دلوقتي 21 سنة، زمان كان بيتخنق مني، بس هو دلوقتي حاسس إن اللي حصل ده حماه”.

واستكملت: “أنا بتكلم في النقطة دي، لإن قعدت 40 سنة أو حاجة وتلاتين سنة، شايلة، فجأة قررت اتكلم فيها مع جوزي، فالحمد لله خفيت منها عشان كده بحكيها، وكنت وقتها 6 أو 7 سنين، وتعرفت على إحساس الشماتة وأنا في السن ده، لما تقال إن الشخص ده مات فرحت، مش الطبيعي أن طفل في السن يفرح أن حد يموت، وكانت أول وآخر مرة في حياتي أحس بالشماتة دي، لإن هو كان شخص غليظ وكبير أذاني، وأنا كنت جبانة أكتر من إني أحكي، كنت لما بشوفه بنزل استخبى تحت السفرة، ومش عارفة أقول اللي حصل”.

وأوضحت: “هو كان تحرش على خفيف كده، الموضوع مش في عمق الموضوع، قد ما هو الصدمة في الشخص، أقد لما يكون عندك حد سنه كبير، مش عيل صغير مش شاب، حد كبير أوي، ويعمل كده في الأمان، ويخضك خضة، وأنا قعدت سنين مش بتكلم فيه مع نفسي، لإنه مرعب بالنسبالي”.

بعد تصدرها التريند جمعنا لكم أجرأ إطلالات ريهام عبدالغفور