“أنا عجزت أوي”.. ميار الببلاوي توجه رسالة مؤثرة لوالدتها

وجهت الإعلامية ميار الببلاوي، رسالة مؤثرة إلى والدتها، من خلال حسابها الرسمي، على موقع تبادل التواصل الاجتماعي فيسبوك.

وقالت ميار: “صباح الخير صباح الخير يا أمي، بجد كل لما بعيا قلبي بيوجعني أكتر من أي وجع لأني بفتكر كنتي بتعمليلي إيه وأنا تعبانة، بعدك لا بقى فيه حنية ولا حد أفرق معاه كلت ولا مكلتش أخدت الدوا ولا ما أخدتش صاحية ولا نايمة، حرارتي عالية ولا نزلت، كحتي ناشفة ولا لا”.

وتابعت: ” ياه يا ماما، أنا عجزت أوي أوي من بعدك، شوية برد ململوني ودمروني نفسيا، وحسيت إحساس الله مايحكمه على حد، كنت بعمل أخطر وأكبر عمليات وأنا في غربة ولا هنا، بس نفسك ودعاكي كانوا بيقوونى إني مخوفكيش عليا ولا أقلقك وأرجعلك كويسة وواقفة على رجليا”.

وأضافت: “حبيبتى قصرك في الجنة إن شاء الله، قد حنيتك وطيبتك وتعبك علينا، وحشتيني أوي بس ده مايمنعش أشكر كل اللي اتصلوا بيا واهتموا يدعولي بمسج، كتر خيركم وربنا ميحرمش أي حد من أمه ولو أمكم عايشة استمتعوا بالنعمة الغالية أوي أوي دي، ولو ربنا اختارها إلى جواره ربنا يصبركم، وآسفه للإطاله بس محتجالها أوي”.