“الست مش ملزمة تبات في بيتها”.. رضوى الشربيني تثير ضجة وعفاف شعيب تلقنها درسا قاسيا

أثارت الإعلامية رضوى الشربيني؛ جدلا واسعا بعد سؤالها عن المرأة وأنها غير ملزمة إنها تبات في بيتها.

وقالت رضوى الشربيني: “طيب فيه ست بتقول، ما الست مش ملزمة تبات في بيتها”، لترد الضيفة أمال تبات فين دي تبقى ناشز”.

وفي تصريحات مفاجئة من الفنانة عفاف شعيب ، خلال استضافتها في برنامج “البخت”، الذي تقدمه خلود عزمي عبر قناة الشمس، هاجمت رضوى الشربيني وانتقدت نصائحها وتوصياتها للنساء واعتبرتان الكثير من كلامها يسبب الطلاق وخراب البيوت على حد قولها .

وقالت عفاف شعيب عن الاعلامية رضوى الشربيني:” مبحبش كلامها، بتقوم الست على الراجل وتقوم الراجل على الست، في خراب بيوت، البيت بيتخرب بسبب الكلام اللي مالوش لازمة”.

وتابعت عفاف شعيب :” مش كل واحدة مرت بأزمة في حياتها هتنفذ كل دا على بقيت الناس، أنتي شفتي مشكلة يمكن ربنا خصك بيها علشان تصبري، يمكن ربنا عمل كده علشان تقربي منه مش أنك تفرقي بين الزوج والزوجة”.

وأكملت عفاف شعيب :” هي جميلة وبيعجبني وشها وأناقتها، لكن كلامها مبيعجبنيش وكل واحد حر،وانصحها وأقولها أقري كتاب ربنا أقري القرآن الكريم وتعمقي فيه وأقري أحاديث الرسول وأدرسي فقه المرأة”.