سوشيال تريند
حل الفنان باسم سمرة، الساعات الماضية، ضيفًا في برنامج واحد من الناس مع الإعلامي عمرو الليثي عبر شاشة قناة الحياة، والذي كشف فيه عن العديد من أسراره الفنية.
وقال باسم سمرة: “نمت ليلة فوق الهرم، كان ليا صاحب اسمه بورع وده اله الشمس وابوه كان مسميه كده بس احنا علشان دمنا خفيف كنا مسمينه برعي”.
«تحول لضفدعة».. باسم سمرة يروي تفاصيل مرعبة بعد قضاء ليلة كاملة فوق الهرم الأكبر
وتابع: “صاحبي ده كان كل يوم يجيلي يقولي طلعت الهرم وكان معايا وفد فرنساوي وطلعت بيهم وتاني يوم طلعت بوفد الماني، وفي يوم اترجيته نطلع الهرم الكبير وفعلا طلعنا الهرم الكبير ومبسوطين وبنبص علي بيتنا”.
وأضاف: ” بقوله يلا ننزل بقى لقيت برعي اتحول اللى ضفدعة طلع أول مرة يطلع ونقلي الخوف بتاعه ودي كانت حاجة سيئة جدا وقاسية لإن فوق مفيش سور ولا مياه ولا أكل ومعانا ربنا بس”.
وأكمل سمرة: “ساعتها كان فيه فوق الهرم خشب كده ونمنا ليلة فوق الهرم في ليلة شتوية والهواء هزنا لغاية تاني يوم العساكر طلعوا لنا وشتمونا ونزلونا في اشولة”.
واختتم: “وفي نص الطريق قعدوا يتكلموا عن العقاب اللى هنتعرضله فهربنا وسيبناهم، ولما روحت قعدت اعاني من عدم النوم ليومين لإني كنت كل ما احاول انام احس اني بقع”.