سوشيال تريند
أعلنت المطربة إيناس عز الدين، عن تعرضها هي وزوجها إلى وعكة صحية شديدة إثر إصابتهم بحالة تسمم نتيجة تناولهما الفسيخ، وتم حجزهم في المستشفى.
وشاركت إيناس عز الدين، متابعيها تفاصيل حالتها الصحية على حسابها الشخصي، عبر موقع تبادل التواصل الاجتماعي فيسبوك.
وقالت إيناس، خلال المنشور :يا خفي الألطاف نجنا مما نخاف، إحذروا تسمم الفسيخ لأنه غير أي تسمم تاني أكلت الفسيخ يا تنجوا منها و تعيش يا تدخل في دوامة ما يعلم بيها إلا ربنا و ممكن ما تقومش منه ما فيهوش هزار غلطة أكلة الفسيخ بموت.
وتابعت :فرجاءاً إحذروا انا وأحمد في اليوم السادس على التوالي مش بخير كنت أروح أعلق المحلول و كنت أتعافى على نفسي و أنزل شغلي و أقول إن شاء الله هبقى كويسة وخلاص الموضوع هيخلص ألاقي نفسي بقع في وسط اليوم لأن التسمم تسبب في قيء و إسهال و حرارة و تعرق و بشدة.
وأضافت :جسمي فقد كل السوائل و دخلت في جفاف شديد و حاد جداً ولأن المعدة بايظة من التسمم و القيء فا مش عارفة أكل ولا أشرب سوائل فعايشة على المحاليل و لوحدها مش كفاية لأن جسمي فقد معاها فيتاميناته.
وأشارت: أصبحت محتاجة فيتامينات و خاصة البوتاسيوم لأن كان حصل تضرر في سرعة ضربات القلب عملتلي عدم إتزان و هبوط متواصل برغم ان الضغط نفسه مظبوط، حتى أحمد فضل يمثل إنه كويس و ماسك نفسه عني علشان يشيلني لحد ما وقع مني إمبارح وما بقيتش عارفة أتصرف لأني مش قادرة انا نفسي أتحرك.