سوشيال تريند
حل الفنان محمد عطية، الساعات الماضية، ضيفًا على برنامج “شو القصة” المذاع على إحدى القنوات اللبنانية، والذي أدلى فيه بتصريحات نارية.
وخلال اللقاء، قال عطية: “أنا ضحية هذا المجتمع كنت شرقي وذكوري لحد 30 سنة، وكنت شخص في العلاقات سيء جدًا وبتدخل في أمور كثيرة زي أنتِ لابسة ايه بتكلمي مين ليه لابسه كده ما تنزليش مياه بالمايوه”.
محمد عطية يفاجئ الجميع بتصريحات مثيرة عن الجنس قبل الزواج ووجود 4 آلاف ديانة
وتابع: “الحاجات دي متعبة والخناقات على الفاضي والطلاق بسبب كده والأسف أنا كنت أسوأ من سي السيد، وبشفق على الستات في الشرق الأوسط والتدخل في لبسها وحياتها الجنسية.”
وأضاف محمد عطية: “في 4 آلاف و200 دين على وجه الأرض، مفيش ولا دين بيقول لو مؤمنة بدين تاني هتدخلي الجنة، والصح والغلط غير الحرام والحلال”.
وأشار: “أي قانون بيجرم حاجات ممكن تكون حلال، وبيحلل حاجات ممكن تكون حرام زي في تونس منعوا تعدد الزوجات وهو حلال”.
كما أثار عطية ضجة واسعة باعترافه بأنه لابد من وجود علاقة جنسية قبل الزواج، قائلا: “الزواج عرف بشري اخترعوه بسبب الزراعة، ولو أنا بحب إنسانة ليه المجتمع والقوانين تدخل ما بينا؟”.
وتابع: “الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ”.