شاهد| إنجي وجدان بعد خسارة نصف وزنها.. رشاقتها تفوقت على ياسمين صبري

فاجأت الفنانة إنجي وجدان، جمهورها بنشر صورة لها بعد أن خسرت نصف وزنها، على حسابها الشخصي، عبر موقع تبادل الصور والفيديوهات إنستجرام.

واستعانت وجدان، بصورتين واحدة لها قبل الرجيم والثانية بعد أن خسرت 30 كيلو غرامات.

وعلقت إنجي، على الصورة:ده أنا من سنة بالضبط بالفستان المخطط وده أنا دلوقتي بالفستان الطوبي، خسيت كتير بس مش علشان حد، علشان نفسي بس، وده مش معناه إني مكنتش حابة نفسي، بالعكس أنا كنت حابة نفسي لأن وزني ده كان بسب إني خلفت أحلى إسماعيل في الدنيا.

وتابعت :عايزة أقول لكل بنت تخنت في الحمل إنتي جميلة وعملتي أحلى حاجة ممكن أي واحدة تعملها إنها تحمل وتكون جواها طفل جميل، ملكيش دعوة برأي الناس، خليك حاسة بكل حاجة حلوة، وإنتي لو عايزة تخسي علشانك إنتي بس، هتقدري.

وأضافت :الحياة أحلى وأسهل من إننا نعقد نفسنا علشان شوية ناس تافهة وفاضية وسطحية، لو هتخسي إعملي كدا لنفسك وصحتك مش علشان جوزك ولا طنط اللي شافتك وقالتلك إنك تخنتي قوي كده إزاي، اتبسطي وحبي الحياة هتعيشي مبسوطة سواء تخنتي ولا خسيتي، إنتي جميلة زي ما إنتي.