سوشيال تريند
علق الشيخ علاء إبراهيم، على الفيديو المتداول للزوجة التي طلبت من زوجها أن يسرق لها الكفتة والمانجا والتين الشوكي من ثلاجة والدته بسبب شعورها بالجوع، من خلال منشور دونه على حسابه الرسمي له، عبر موقع تبادل التواصل الاجتماعي فيسبوك.
وقال علاء إبراهيم، خلال المنشور :الفيديو بتاع الزوجة اللي بايتة عن أهل جوزها وبتوصي جوزها يجيب الكفتة من التلاجة كلنا شوفناه وضحكنا وهو فعلا مبهج لكن عايزين ننظر له بطريقة تانية، الستر : الزوجة بكامل حجابها وتسترتها يعني مش لازم العري والإباحية تبقى هي وسيلة الشهرة، العلن : الزواج العلني فخر وعزة يعطي الحق للزوجة تظهر مع زوجها أمام الدنيا كلها بخلاف الزواج السري فهو تقليل لمكانة المرأة.
وتابع :الحياء: رغم إنها في بيت أهل جوزها – يعتبر بيت أهلها – وهي جعانة لكن محرجة هي اللي تتحرك وتمد إيدها جوزها اللي يجيب مش هي، الصداقة : العلاقة بينهم مبنية على الصداقة ودا واضح من أسلوب الكلام ودي أكتر حاجة جميلة ممكن تكون بين الزوجين.
وأضاف :الرقي : مش لازم عشان نهزر مع بعض كزوجين نهزق بعض، عدم الابتزال: الهزار خفيف ومبهج من غير تصنع، ربنا يحفظهم ويحميهم من العين ويكتر من أمثالهم ويهدي سرهم ويزوج شبابنا.