سوشيال تريند
كشف الفنان حازم إيهاب، تفاصيل وفاة طفله بعد عدة أيام من ولادته، وذلك خلال لقائه في برنامج “رمادي” الذي تقدمه الإعلامية عبير بسيوني عبر موقع تبادل الصور والفيديوهات إنستجرام.
وقال حازم إيهاب، خلال اللقاء :ابني اتولد بعيب خلقي.. وفي حد في أمريكا قالي إحنا عندنا هنا في الوقت ده بنقول ننزل الطفل على طول وكانت منة زوجتي وقتها في الشهر الخامس لما عرفنا إن الجنين ولد وعنده غرفة من غرف القلب مش شغالة، والأزهر أفتى لنا وقتها إننا ننزله أنا بس مكنش عندي المنطق ده لأن اللي ربنا كاتبهوله هيشوفه.
وتابع :أن الله عز وجل لم يرضيه أن يعيش طفله في عذاب.. كان ممكن أنزله بس كنت خايف أرجع أطارد نفسي بعدها بكام شهر وأقول لنفسي أفرض كنت سبته يكمل مش جايز ربنا حط في معجزة، وساعتها كانت هتفرق بيني وبين ربنا كتير أوي يعني كانت هتحسسني إني مبقتش واثق فيه.
وأشار :يونس توفي بعد 13 يوم فقط من ولادته.. ومش مش هنسى لزوجتي موقفها يوم وفاته اليوم ده مكنتش قادر أواجهها فيه لأن أنا كنت بقعد أقولها اطمني هو هيقوم يبقى زي الفل وعشان أنا كمان أصدق قومت وركبتله سريره وألعابه، وكنت مستني اليوم اللي أجيبه في إيدي البيت.