سوشيال تريند
حلت الفنانة حورية فرغلي، الساعات الماضية، ضيفة في برنامج “الترابيزة” على قناة الشمس، والذي أدلت فيه بتصريحات نارية.
وخلال اللقاء وجهت حورية، رسالة إلى والدة الطالبة نيرة أشرف التي لقيت مصرعها ذبحًا على يد زميلها امام جامعة المنصورة.
حورية فرغلي توجه رسالة صادمة لوالدة نيرة أشرف: «ربنا خدها لهذا السبب»
وقالت فرغلي: ” البقاء لله، الله يرحمها، يمكن هي علشان جميلة وطيبة وأنتم راضيين عنها ربنا خدها صغيرة”.
وتابعت: “ربنا دايمًا بياخد الناس الطيبة والكويسة بدري، بيستخسرهم في الدنيا، إن شاء الله هي في الجنة وقلبي معاكم.”
وأضافت حورية فرغلي: “عمرنا ما شوفنا الدبح، أنا شوفتها مرة في سوزان تميم، وكان منظر غير طبيعي، فلازم الحاجات دي الناس دايمًا تبقى خايفة منها”.
وعن إذاعة إعدام المتهم على الهواء، قالت: “اتعرض قبل كده إعدام هشام عشماوي، وصدام حسين، دي مش حاجة جديدة، لكن لو ده هيهدي والدها ووالدتها أنا مع عرضه”.