“معندوش ذرة رجولة”.. دينا فؤاد تهاجم محمود المهدي طليق منة عرفة

شنت الفنانة دينا فؤاد هجوماً، على محمود المهدي طليق منة عرفة، بعد التشهير والخوض في عرض طليقته، إزاء الأزمات التي تسببت في طلاقهما، وكان ذلك عبر منشورات قد نشرها محمود المهدي عبر صفحته الرسمية بموقع تبادل الصور والفيديوهات “إنستجرام”.

وأعربت دينا فؤاد عن غضبها، واستيائها من محمود المهدي، قائلةً:” الكلام اللي كتبه الكائن اللي كان متجوز منة عرفة، بيدل على إنه معندوش ذرة رجولة، أنا بنت وإتكسفت أنشر كلامه، لأن دي أعراض.

وتسألت متعجبةً:” إزاي طالع يتكلم في عرض اللي كانت مراته بالشكل ده؟!.

وتابعت كلامها:” والله أنا حزينة على منة، اللى مسمعتش كلام حد،وحزينة على الإعلام اللي عمل قيمة لواحد، زي ده، وخلاه فكر إنه مهم، لدرجة إنه يطلع يفضح مراته على الأكونت بتاعه.

وأضافت:” كفاية بقي أقفلوا بيوتكم عليكم، وبطلوا القرف اللي بتصدره للسوشيال ميديا، مش كل حاجة تنشروها، عيب، البيوت ليها حرمة.

واختتمت دينا حديثها، قائلة:” أتمني الناس اللي بتشير الستوري بتاعته، توقف ده شرف بنت، محدش هيرضاها على نفسه”.

وفي وقت سابق، علق محمود المهدى طليق الفنانة منه عرفة على خبر انفصالها بشكل رسمي عبر حسابه الشخصي على موقع الصور الشهير “إنستجرام”.