سوشيال تريند
حلت الفنانة نيللي كريم، الساعات الماضية، ضيفة مع الإعلامي أنس بوخش في برنامج ABtalks الذي يعرض على موقع يوتيوب، والذي كشفت فيه عن أسرار من حياتها لأول مرة.
وكشفت نيللي خلال اللقاء، عن تفاصيل إصابتها بسرطان في وجهها، مشيرة إلى أنها سافرت إلى أمريكا لإجراء عملية الاستئصال هناك.
«جالي سرطان وشيلت ودني».. نيللي كريم تصدم الجميع باعترافات نارية لأول مرة
وقالت نيللي كريم: “سافرت أمريكا عشان أعمل عملية لأن كان عندي ورم بحجم البيضة في الغدة النكفية في الوش وكان قريب أوي من الأعصاب”.
وتابعت: “أنا اكتشفت الورم ده بالصدفة لما حطيت إيدي تحت وداني ولقيت حاجة زي الكورة فافتكرتها حباية وقتها بس الحمدلله الورم طلع حميد وشيلته”.
وأضافت نيللي: “العملية كانت المفروض تعملي علامة كبيرة في وشي وقولت للدكتور وقتها لو في أي حاجة ممكن تتعمل في العلامة دي عشان أنا بمثل، وقالي إن في طريقة معينة هيعملي بيها العملية وهي إنه يشيل ودني كلها علشان مظهرش مشوهة“.
وأكملت: “وأنا رايحة العملية كنت بفكر في إني مش هقدر أحرك وشي تاني، وكنت بفكر معملهاش أصلا بس رجعت في كلامي وقولت اللي يحصل يحصل بقى”.
واختتمت :”لما فوقت من العملية خلوني أحرك وشي وحركته فعلا وكنت حاسة بكل حاجة“.