سوشيال تريند
كشفت نيرمين الفقي، عن أغرب عريس تقدم لخطبتها، وذلك خلال لقائها في برنامج “بيت العائلة” الذي تقدمه الإعلامية نجوى فؤاد عبر شاشة قناة النهار.
وقالت نيرمين، خلال اللقاء: “كنت عاملة لهم عزومة.. دخلت والدته والله قالتلي كده بالظبط.. إيه ده أنا مكنتش متصورة إن نيرمين الفقي ساكنة في شقة صغيرة كده؟.. قومت بصيت لها وضحكت.. وعيلتي كلها موجودة.. أمي قالتلها إن دي شقة والدتها الله يرحمها.. قامت ردت وقالت.. طيب وأنتوا بتعملوا إيه بالفلوس اللي معاكم دي؟ مش تعملي لنفسك فيلا كده؟.. ده أنا قولت هدخل بيت محصلش!.
وتابعت: “ابنها كان حد كويس أوي.. بس شخصيته كانت ضعيفة.. ولم أعاقبه بسبب أمه واديتله فرصة.. وقالي إحنا هنسافر لأنه شغال في السلك الدبلوماسي.. وكنت مبسوطة من علاقتي بيه لأنه كان إنسان لطيف أوي.. لكن بعدها اديتله صينية البسبوسة.. جيبتهم بيتنا في الإسكندرية في الفيلا بقى.. وقولتلها أدي البيت اللي حضرتك عايزة تشوفيه.. وكتر خير جدتي إنها ادتني شقتها الصغيرة عشان أعيش فيها لما جيت القاهرة.. جبتهم إسكندرية وفي إسكندرية رفضته وقولت لوالدته أنا مش موافقة”.