سوشيال تريند
ردَّ الفنان سعد الصغير على تصريحات أرملة شقيقه هبة فوزي، والتى طالبته بحقها فى الميراث، قائلًا: “أنت بتكلميني أنا ليه، روحي لأولاد محمد الراحل، أنا ذنبي إيه أنا مالي أنا، وأولاده أحدهما خريج كلية الحقوق والثاني خريج كلية الإعلام”.
ووجَّه حديثه إلى أرملة شقيقه خلال بث مباشر على حسابه الشخصي بموقع التواصل الاجتماعي “فيس بوك”، قائلًا: “روحي المحكمة واثبتي أن أنت كنت متزوجة من شقيقي، وبعدين المحكمة هتبعتك للورثة، وأنا مش طرف فى المشكلة، وهناك أمور أخرى هاخد حقي بالقانون ومنها اتهامي لي بخطفك والاعتداء عليك”.
وتسائل: “أنت هتتخطفي ليه.. عشان شقة، وأنت بتقولي أن أنت زوجة أخي، وبحكم هذه العلاقة يجب أن أعلم من وراء واقعة الخطف، والموضوع كله يا هبة مش محتاج، بس إزاي بعد 18 سنة جاية تقولي أن ليكي ورث، وأنا اديتك 35 ألف جنيه، وأنت دلوقتي بتقولي لا أنا عايزة أقعد مع سعد، وأنا مش هقعد معاكي لأني مش طرف فى القضية، وانت عارفة القضاء بتاعنا لا فيه سعد ولا أبو سعد حتى”.
وأضاف: “قدمي قسيمة الزواج فى المحكمة وهى هتحكم ليك لو ليك ميراث، والموضوع كله على شقة.. ومرة فى حديث آخر بتقولي شقة وعربيتين، وأنا اديتك 35 ألف جنيه عشان كنت بتقولي أن الزواج كان عرفي، دلوقتي بتقولي لا، الزواج رسمي خلاص روحي المحكمة، إنما أنا مش هقعد معاكي، عشان نتكلم فى الميراث”.
وتابع: “أنت سبتي أصحاب الخناقة كلها وجاية لي أنا تشتكي، وأنا تحت أمر حضرتك من غير أى حاجة، والشقة إيجار قديم بس هاتي حكم محكمة، ومحمد أخي ترك طفلين ومراته رفضت الزواج لكي تربيهم مع أني عرضت عليها أن تتزوج بعد وفاة شقيقي”.
حالة من الجدل أثيرت الأيام الماضية، وذلك بعدما خرجت أرملة الراحل “محمد محمود عبد العزيز”، شقيق الفنان سعد الصغير عن صمتها لتتهمه بالاستيلاء على ميراثها.