سوشيال تريند
كشف عضو مجلس إدارة نقابة المهن الموسيقية الفنانة نادية مصطفى، كواليس المؤتمر الصحفي الذي كان من المقرر أن يعتذر خلاله حسن شاكوش لشعبة الإيقاع بالنقابة.
وقالت نادية مصطفى، في تصريحات صحفية:عملنا المؤتمر إرضاء لشعبة الإيقاع.. اللي هي جزء وقطاع كبير من الجمعية العمومية في النقابة.. وده حصل إرضاء ليهم وردا لكرامتهم، جبنا شاكوش وأجبرناه إن هو يعتذر واعتذر.. ومكنش فيه اتفاق أن سعيد أرتيست يقعد يقول ليه ومش ليه؟.. ومين مضى؟ ومين ممضاش؟.
وتابعت:إنت عامل المؤتمر علشان الولد يعتذر وإنت تقبل الاعتذار.. فقط لا غير.. لكن إنت تقعد تناقش النقيب والمجلس.. أصل إنت قولت وأطلعلك الرسالة.. إيه ده؟ إيه ده؟.. وهو اللي اقترح أصلا المؤتمر.. طب عملنا المؤتمر يا حج سعيد إرضاء ليك ولكل زمايلنا في شعبة الإيقاع.. وعلى فكرة في جزء كبير منهم مكانش موافق باللي حصل ده.. وهو نفسه سعيد مكانش متخيل إن الموقف ممكن يتطور للدرجة دي.
وأضافت:سعيد بعد ما سمع إن ممكن الأستاذ هاني شاكر ستقيل قال أنا مستعد أروح أبوس فوق راسه، علشان يرجع في استقالته.
مقالات قد تهمك :
زوجي على علاقة بامرأة متزوجة فهل على ذنب لو أخبرت زوجها؟.. الأزهر يجيب
الأهلي يدعم الشناوي قبل مباراة سموحة في الدوري