سوشيال تريند
وجه الفنان أحمد مجدي، رسالة حب للفنانة أسماء أبو اليزيد وفريق عمل مسلسل الآنسة فرح، وذلك من خلال نشر مجموعة صور له برفقة اسماء، على حسابه الشخصي، عبر موقع تبادل الصور والفيديوهات إنستجرام.
وكتبت أحمد، على الصور :أول ما اتعرض عليا مسلسل الآنسة فرح تفاءلت بسبب العناية والمجهود المبذول في تقديم ملف واضح ومتماسك للعمل.. ولما قعدت مع المنتجة سالي والي كنت متحمس جدًا وطلبت مني أزوّد وزني حوالي ١٠ كيلو.. التحضير لشخصية شادي والشغل عليها لمدة 3 سنين أثّر في حياتي وفي حياة اللي حواليا بأشكال كتير.. كنت محتاج أعمل نقلة على المستوى الجسدي والنفسي.. والدور ساعدني في ده.. متشكر جدًا للإنتاج الجدع المخلص والناس الشاطرة اللي عارفة شغلها واللي اتعلمت منها كتير.
وتابع:متشكر لأسماء أبو اليزيد الجميلة المحترمة اللي عشت معاها لحظات فنية وإنسانية سابت فيّا الأثر اللي بامثل عشان ألاقيه.
وأضاف:وشكرًا لرانيا ومريم وهبة وتامر وكيلاني وعارفة وكل اللي مثلوا في المسلسل.. اختيار الممثلين من أول لحظة لحد نهاية المسلسل.. لو حتى هيعدّي بس قدام الكاميرا، اتبذل فيه مجهود كبير من وائل فرج وطاقم الإخراج.. اللي أضاف ليا كتير وأصبحوا أصدقاء حقيقيين. وعمري ما أنسى حسن عتيق وإيمان من قسم الديكور والإكسسوار وكل الطاقم الجميل.. وعبد الرؤوف وديشا في التصوير والإضاءة وكل الشباب الجامد.. القائمة لا تنتهي! عمل أخد سنين وأتمنى نفضل نعمله على طول.
وردت عليه أسماء أبو اليزيد، قائلة:يا مجدي انت من اجمل البني آدمين و الفنانين اللي عرفتهم و طاقتك الحلوة خلت حاجات كتير تكون سلسة و جميلة و صادقة للأبد يا صديقي.
وتفاعل عدد كبير من جمهوره مع المنشور، فكتب أحد الأشخاص:”الموضوع دا شكله قلب بجد وحبيتوا بعض”، وأضاف آخر:”إمتى الخطوبة؟”، وكتب آخر:”هتوحشونا اوي”.
مسلسل الآنسة فرح، تدور أحداثه في إطار كوميدي اجتماعي، بطولة رانيا يوسف، أحمد مجدي، أسماء أبو اليزيد، تامر فرج، عارفة عبدالرسول.
مقالات قد تهمك :
بإطلالة جريئة| هيفاء وهبي تشعل السوشيال ميديا.. والجمهور:”فين البنطلون؟”