سوشيال تريند
تعرضت الفنانة رحمة حسن، للعض من قبل كلب في الشارع، وفقًا لما أعلنته عبر حسابها على موقع تداول الصور والفيديوهات “انستجرام”.
وكتبت رحمة: ” كنت ماشية علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) بيهجم عليه بكل قوته”.
بعد عضة الكلب في منطقة حساسة.. تطورات خطيرة في الحالة الصحية لـ رحمة حسن
وتابعت: “طبعا حاولت اجري لكن للأسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضة كبيره وغويطة بنابه في منطقة حساسة “.
وأضافت: “صاحبه الكلب كتر خيرها اخذتني فورا علي مستشفي امبابة ادوني حقنه تطعيم الكلب ولسه فاضلي ٤هاخدهم خلال شهر، بس المشكلة ان من امبارح الجرح بينزف دم كتير ،وانا طبعا خايفة ومصدومة وتعبانه وعندي تروما من امبارح”.
وعن تطورات حالتها الصحية، نشرت رحمة حسن عبر حسابها بتطبيق انستجرام صورًا لتطعيمات الكلب وعلقت عليها:”دى صور لتطعيمات الكلب الحمد لله طلع مش مسعور”.
وتابعت: “انا متشكره جدا لاهتمامكم ولكل الناس الي كلمتني تطمن عليه ، واسفه اني ماقدرتش ارد علي معظم الناس لاني كنت تعبانه ومش قادره اتكلم، انا رحت المستشفي النهارده وكشفت عند جراح متخصص وهو غير علي الجرح وعمل الازم والحمد لله طمني، وقالي اتابع معاه الفتره الجايه واني هاكون كويسه انشاء الله والجرح هاياخد وقته وهايخف”.