سوشيال تريند
أعلنت الفنانة رحمة حسن، نقلها إلى المستشفى إثر مهاجمة كلب شرس لها مساء أمس في إحدى الشوارع بالقاهرة، مما تسبب لها في النزيف.
وشاركت رحمة، جمهورها صورة تقرير طبي بحالتها من المستشفى، على حسابها الشخصي، عبر موقع تبادل الصور والفيديوهات إنستجرام.
وكتبت حسن، على التقرير قائلة:امبارح الساعه ١١ بليل كنت نازله اجيب حاجه من السوبر ماركت جمب البيت.. وكنت ماشيه علي الرصيف وكان في عربيه بتركن جمبي عادي.. فجاه الباب اتفتح ولقيت كلب جيرمن شيبرد تقريبا مَش متاكده اوي.. بيهجم عليه بكل قوته.. طبعا حاولت اجري لكن للاسف الكلب كان قوي وشرس ووقعني علي الارض.. حاولت اقوم واجري وصاحبته حاولت تشده.. بس فك الليش بتاعه وعضني عضه كبيره وغويطه بنابه في منطقه حساسه.. صاحبه الكلب كتر خيرها اخذتني فورا علي مستشفي امبابه.. ادوني حقنه تطعيم الكلب ولسه فاضلي ٤ هاخدهم خلال شهر.. بس المشكله ان من امبارح الجرح بينزف دم كتير.. وانا طبعا خايفه ومصدومة و تعبانه وعندي تروما من امبارح.
وتابعت: واللي واجعني اكتر اني مَش عارفه اتصرف ازاي.. خصوصا اني اكيد مَش عايزه الكلب يتاذي.. بس كمان مَش عايزه اي انسان كمان يتاذي ويتعض ويتبهدل في الشارع زيي.. انا كنت بشوف الكلب ده دائما مع صاحبته بتمشي بيه في الشارع جمب البيت عندي.. وعشان شكله شرس كنت بامشي بعيد عنه لما بشوفه.. امبارح صاحبت الكلب قالتلي متخافيش هو عض ولادي قبل كدا وتمام محصلش حاجه!.. طبعا انا اتصدمت لما عرفت انها مَش اول مره الكلب يعض حد ومع ذلك هي سايباه عادي في الشارع منغير كمامه او حد قوي يمسكه.. بجد حرام عليكم.. الكلب لما بيكون حجمه كبير وشرس بيعتبر سلاح.. وصاحبه مسؤل مسؤليه كامله عنه ويحاسب علي اهمال مسؤليته.. خصوصا لو اهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف.
يذكر أن آخر أعمال رحمة حسن، مسلسل “ملف سري” الذي شاركت به خلال الموسم الرمضاني المنقضي 2022، بطولة النجم هاني سلامة، عائشة بن أحمد، ماجد المصري.
مقالات قد تهمك :
بعدما نفى الطلاق.. ياسمين عبد العزيز تخذل العوضي وتضعه في موقف محرج: «صدمت الجميع»
مرتضى منصور يوضح موقف الزمالك من التعاقد مع النقاز وخوض مباراة القمة