سوشيال تريند
عرض برنامج “بالخط العريض” الذي تقدمه الإعلامية إيمان أبو طالب عبر شاشة قناة الحياة، مقطع فيديو يعرض لأول مرة للنجم الراحل سمير صبري، والذي ظهر خلاله يتحدث عن تقديمه نصيحة لفنانة بعدم تقديم تنازلات من أجل التمثيل.
وقال سمير صبري:”أبو سمرة هيحكيلكم حكاية صاحبة الصورة دي.. لكن مش هوريكم الصورة ولا هقولكم هي مين ولا أول حرف من اسمها إيه.. زمان قبل ما تبقى نجمة كبيرة أوي اليومين دول.. كنت قاعد مع بعض الأصدقاء.. وفجأة جت واحدة لابسة تقريبا مايوه.. وقالتلي أستاذ سمير عايزة أخد رأيك في حاجة مهمة جدا.. قالتلي أنا غاوية فن وتمثيل وعاوزة أمثل إنما خوفوني من الفن وقالولي إني عشان أمثل لازم أقدم تنازلات”.
وتابع:”قولتلها اوعي تقدمي تنازلات.. العظماء في الفن معملوش تنازلات.. أم كلثوم وفاتن حمامة وماجدة وشادية وسميرة أحمد وغيرهم.. كل دول معملوش تنازلات ووصلوا.. قالتلي شكرا جدا وعمري ما هنسى نصيحتك ليّا.. أصل في واحد هينتجلي مسلسل وعايزني أسافر بيروت معاه أصور هناك.. قولتلها أنت قريتي السيناريو.. قالتلي لأ.. قولتلها خلاص اوعي تسافري.. شكرتني تاني وانتهى اللقاء”.
وأضاف:”بعدها بكام يوم.. ليا صديق دعاني لحفلة في بيته.. دخلت الشقة كان في دوشة وكابلز مع بعض وكده.. وفي ركن من أركان الشقة ترابيزة عالية ببص عليها لقيت واحدة حافية فوقها بترقص بلدي.. لقيت البنت بترقص بلدي وضحك على الآخر.. لما شوفت الوضع كده قولت أمشي قبل بوليس الآداب ما يوصل.. لقيتها جايلي عند الأسانسير وبتفكرني بنصيحتي ليها وإنها عملت بيها ومقدمتش تنازلات.. قولتلها لأ باين أوي”.
مقالات قد تهمك :
مفاجأة في تشكيل الزمالك لمواجهة الإسماعيلي في الدوري
“صدمة”| فنانة شهيرة تغازل أحمد أبو هشيمة إمام الجميع بدون خجل