سوشيال تريند
فاجئت الفنانة زيزي عادل، جمهورها ومتابعيها الساعات الماضية، بإعلانها اعتزال الغناء، وذلك في منشور عبر حسابها على موقع “أنستقرام”.
وقالت زيزي عادل : “أنا طالعة أقول خبر مهم جدا أخدته في حياتي، ويمكن يكون أهم خبر أخدته في حياتي، هو قرار الاعتزال، قررت أسيب المهنة اللي أنا بشتغلها”.
«حابة أموت وربنا راضي عني».. مطربة شهيرة تعلن اعتزال الغناء وارتداء الحجاب: مفاجأة للجميع
وتابعت: “القرار ده مخدتهوش إمبارح، أخدته من فترة كبيرة، أنا مطلعتش أقول لكم الخبر ده، لأني كنت حابة أتكلم مع نفسي ومع الناس القريبة مني جدا، والناس دي دعمتني جدا لما قولتلهم القرار ده، وشجعوني إني أعمل كده”.
وأضافت زيزي: “أنا ببعد عن أكتر حاجة من أكتر من المغريات في الدنيا، اللي هي الشهرة، وهبعد عن الشهرة والأضواء والفنانين، اللي هي الناس بتقرب منها”.
واستكملت: “الفترة اللي فاتت قربت من ربنا جدا، ولقيت القرآن بيقولي إني لازم أكون ملتزمة، لازم أكون على قد ما أقدر أكون ملتزمة، ويمكن تكون مستغربين، إني طالعة بشعري ومش محجبة، ده لإن ربنا لسه ما أنعمش عليه بخطوة الحجاب، وبدعي ربنا إني ألبس الحجاب، وكل حاجة بتيجي خطوة خطوة، مفيش حاجة بتيجي مرة واحدة، فأنا خدت خطوة وإن شاء الله تيجي الخطوة اللي بعدها”.
واختتمت: ” بطلت أغني، لإني مش صح، وديني بيقول كده، وأنا حابة إني أموت وربنا راضي عني، وكلنا نمتنى حاجة زي دي، وعايزة أموت أكون مستعدة لمقابلة ربنا”.
اقرأ ايضا:
«يقطع القلب».. أول صور لـ ويجز من داخل المستشفى بعد حادث سير مروع