سوشيال تريند
كشفت والدة المجني عليها عنود، تفاصيل حادث الاعتداء على ابنتها عنود بالتجمع الثالث، في تمام الساعة 9:30 مساء، بأنه بدأ بخلاف صغير بين عنود وفتاة أخرى.
حيث قالت: «حصل مشكلة صغيرة في مول أرابيا بلازا بسبب غيرة بنات، بينها وبين بنت اسمها چنى والموضوع عدّى، ولا حصل إيه حاجة، وبعد ما بنتي عنود مشيت من مول أرابيا بلازا، لقت خالتها بتتصل بيها بتقولها تعاليلي البيت، اللي هو برضه في التجمع الثالث.
وتابعت والدة المجني عليها بـ: «عنود كانت في مول أرابيا بلازا وراحت لخالتها بيتها، وكان معاها أخواتها وخطيبها.. وسابتهم ونزلت تجيب حاجة من السوبر ماركت، ولما طلعت لقت مامت چنى واتنين كمان وچني وأختها وبنت محجبة كمان واقفين وبيقولوا لـ خالة عنود احنا عايزين يا عنوان عنود يا رقم مامتها».
وعن تفاصيل تعرض ابنتها لـ الضرب والاعتداء، قالت والدة المجني عليها عنود، إنه فور وصول ابنتها ورؤيتها أسرة الفتاة چنى، تتحدث مع خالتها، فوجئت باعتداء 3 سيدات عليها، وأحدثن بها إصابات قطعية بجميع أجزاء الجسم، جاءت كالآتي: إصابة قطعية في منطقة الظهر استوجبت 50 غرزة، وجرح آخر في الذراع عبارة عن 17 غرزة، كما تعرضت لجرح بالقرب من شرايينها استوجب 4 غرز.
وأختتمت والدة عنود، قائلة: «عنود مصعبتش عليهم ولا علي أي حد من اللي كانوا واقفين في الشارع ولا أي حد خالص.. وقصاد كل ده بيقولوا إن دي خرابيش، اقنعوني إزاي دي خرابيش يعني كله على بعضه 71 غرزة».
«جريمة في التجمع الخامس».. كواليس صادمة وراء تشويه جسد «عنود» في الشارع