سوشيال تريند
طمأنت هبة أحمد حلاوة، ابنة الفنان أحمد حلاوة، الجمهور على حالته الصحية، قائلة: «بطمنكم يا جماعة، والله العظيم والدي بخير، بس فيه حاجات بس بنضبطها عشان فيروس كورونا لما دخل عنده هاجم الأجهزة الحيوية كلها، فإحنا بنضبط اللي باظ».
ابنة أحمد حلاوة تكشف آخر تطورات حالته الصحية
واستنكرت «حلاوة»، في مداخلة هاتفية في برنامج «مصر جديدة»، مع الإعلامية إنجي أنور، الذي يُعرض على قناة «etc»، الشائعات التي ترددت حول وفاة والدها، معقبة: «أنا مش كل شوية هطلع أنفي، أنا بقول والدي بخير وتجاوزنا الخطر، يا ريت مننقلش أخبار مش كويسة تاني إلا بعد التأكد من صحتها، بسبب الشائعات دي والدتي بعد ما خرجت من المستشفى لأنها كانت مريضة وحالتها تحسنت، سمعت شائعة الوفاة جالها جلطة».
وتابعت: «أنا من امبارح للنهاردة جالي كم مكالمات تعازي مش معقول، هو بخير وبشكر كل الناس اللي بتدعيله وواقفة جنبه وبتسأل عليه، شوفنا كم محبة هائل جدًا الحقيقة مكناش نتوقعه، الدكتور أشرف زكي معانا من البداية، إنسان خدوم جدا».
وواصلت: «رشوان توفيق يوميا كان بيتكلم ويقعد يعيط وبابا يعيط، نضال الشافعي ومحمد رياض، ومحمد على رزق، على طول بيتكلموا يطمنوا عليه، إحنا مش عارفين العدوى جات منين بالضبط، كلنا في البيت جالنا كورونا في وقت واحد منعرفش منين».
مقالات أخرى قد تهمك:
«رفضتي تتباسي من هاني سلامة ليه؟».. رد غير متوقع من غادة عبد الرازق
دينا الشربيني تفاجئ الجميع بفعل صادم في عيد ميلادها.. هل عادت لـ عمرو دياب؟