سوشيال تريند
علقت الفنانة ميار الببلاوي، على اتهامها بالإساءة للفنانة الكبيرة نجلاء فتحي، بعدما تحدثت عن موقف حدث بينهما في كواليس فيلم “ديسكو ديسكو”.
وقالت ميار في تصريحات صحفية: “والله ما قصدت أي إساءة للأستاذة العظيمة اللي بكنلها كل احترام وتقدير، بس المذيعة هاجمتني فأنا حكيت اللي حصل بس، والله طبعا أنا ساعتها كنت عيلة ولا بفهم في الدين”.
أول رد من ميار الببلاوي على الإساءة لـ نجلاء فتحي
وفي وقت سابق، كشفت ميار الببلاوي عن مشاهدها الجريئة في فيلم “ديسكو ديسكو” والتي جمعتها بالفنان عمرو عبد الجليل، قائلة: “الفيلم كله معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكده”.
وتابعت: ” لما رفضت تصوير مشاهدي الجريئة في رمضان قعدت أعيط، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني.”
وأكملت: “قالتلي يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان.”