سوشيال تريند
هاجمت الإعلامية ميار الببلاوي، الفنانة إلهام شاهين، الساعات الماضية بعد تصريحاتها الأخيرة عن الدين والشيوخ.
وقالت ميار الببلاوي، خلال حوارها في برنامج قعدة ستات،المذاع على قناة “القاهرة اليوم”: “أنا خريجة المعهد العالي للدراسات الإسلامية، وخدت ماجستير في الفقه المقارن، والدكتوراه بتاعتي في الخطاب الديني، يعني لما بتكلم في الدين أنا معايا إجازة في الفتوة”.
«بتشتمي الشيوخ وعايزة نسقفلك».. ميار الببلاوي تفتح النار على إلهام شاهين
وأضافت: “اللي قولته لـ إلهام شاهين اتكلمي في أي حاجة تانية غير الدين، لأني مش عايزة أسمع حديث بيتقال غلط، وإن فيه ناس بتغلط في علماء الدين، إياكم ورجال الدين.”
وتابعت: “أنا مبحبش حد يتكلم في الدين وهو معندوش خلفية دينية، هي أستاذة وكل حاجة بس ليه تتكلم في الدين؟ بتتريق على رجال الدين والشيوخ والفتاوى، إياكم ولحوم علماء الدين فإنها مسمومة، والدين لا يحتمل الآراء”.
وأكملت ميار الببلاوي:” أنا مش عايزاها تاخد ذنب، وأنا صغيرة جدًا بالنسبة ليها وأقل من إنها تسمع كلامي، وهي بتقول آرائها في البني آدمين، دي بتشتم الشيوخ بتوعنا، والحديث الصحيح قال إياكم ولحوم العلماء فإنها مسمومة وإنما يخشى الله من عباده العلماء، ولما هي تغلط في العلماء المفروض إننا نسقف؟”.