سوشيال تريند
صدم الفنان إدوارد الجميع بعدما كشف حقيقة عامل النظافة الذي تم طرده من كشري التحرير بسبب ملابسه، والذي دعمه الفنان أحمد العوضي.
وشارك إدوارد، جمهوره منشور دونه على الحساب الرسمي له، عبر موقع تبادل الصور والفيديوهات إنستجرام.
وقال إدوارد، خلال المنشور: “كلمنا عامل النظافة في القاهره اليوم عشان يجي فقره المطبخ ياكل معانا ونديله ١٠٠٠ جنيه هديه مع اني كنت معترض اصلا اننا نجيبه معجبوش الفلوس وطلب مبلغ”.
والمفاجأة أن إدوارد ليس الوحيد الذي كشف عن الوجه الآخر لعامل النظافة، فهناك أكثر من مخرج أكد أنه عندما تواصل معه للظهور في البرامج أمرهم بالتواصل مع مدير أعماله من أجل الاتفاق على أجر ظهوره.
وكان رد الفنان أحمد العوضي، على منتقدي تصويره مع عامل النظافة الذي تم طرده من كشري التحرير بسبب ملابسه، وذلك من خلال فيديو نشره على حسابه الشخصي، عبر موقع تبادل التواصل الاجتماعي فيسبوك.
وقال أحمد العوضي: “الناس اللي بتقول ده شو وصورت الراجل والكلام دا.. لو أخوك عنده مشكلة في الشارع بتجيب حقه قدام الناس.. في المكان اللي اتعمل عليه نمرة فيه.. اللي بينك وبين ربنا الصدقة.. أنا مورتكش اديته كام ولا عملت له إيه.. أنا جبرت بخاطره، لأن مَن صار بين الناس جابرًا للخواطر أدركه الله في جوف المخاطر”.
وتابع: ” الراجل اتكسر قدام الناس، فحقي اطلعه منصور قدام الناس برضوا.. ده من حقي ودوري لو ربنا مديني شُهرة أني استخدمها.. ربنا إداني الشهرة لسبب وبستخدمها في السبب اللي يرضي ربنا.. ودي حاجة بيني وبين ربنا.. اوعى تفتش في النوايا.. أنت مش قاضي في الأرض”.
وأضاف: “كل الموضوع أني نزلت بوست لا صورته ولا حاجة، لأن أنا راجل ابن شارع.. أنا قاعد في الشارع طول عمري، وهفضل في الشارع وهفضل أراضي في خلق الله.. دي حاجة بيني وبين ربنا”.
وأردف: “لما قابلت الراجل.. قُلت له هناكل أنا وأنت في طبق واحد، لأن كلنا واحد وولاد تسعة.. أنا مبسطها.. الدنيا مش كلها اللي أنت شوفته.. أنت أخويا وكلنا ولاد آدم، واللي عملته مش مقصود بيه شو ولا أي حاجة.. اللي أسعد الراجل أنه حس أنه منصور ولقى شغل”.