سوشيال تريند
ألقى الرئيس عبد الفتاح السيسي، اليوم الثلاثاء، كلمته بالجلسة الختامية للمؤتمر الاقتصادي، قائلًا إنه يجب كُره الفقر وعلى الجميع أن ينهض لتغييره.
وأضاف الرئيس: “لا يجب أن أكره سلوكيات الفقر، ولكن الفقر نفسه وأستهدف الفقر ونغيره مع بعض”.
السيسي: «أقل من 10 آلاف جنيه لأي حد بيشتغل مش هيعيش»
وتابع: “،أنا هقولكم على حاجة بالنسبة للمدرس، مفيش شباب يساعد مع مديريات التعليم في المحافظات للتدخل بشكل لطيف مع المجموعة الموجودة يشجعهم.. ما المرتبات تعبانة، أيوة تعبانة”.
وأكمل الرئيس: “والله العظيم أنا بكلمكم من قلبي، أقل من 10 آلاف جنيه لأي حد بيشتغل، مش هيعيش، ما أنت هتقولي إديهم، هقولك يا ريت، هتقولي ما أنت بتتكلم عن ميناء بـ40 مليارا، أنا لازم أكون متوازن في إدارة الأمر”.
وأضاف:” غيرنا كان مساره أكل، وشرب، ودفع فلوس وسابها لما بقت على الحديدة، وقلتلكم الإصلاح الموجود أكبر من قرار أي رئيس في الوقت ده، وبالتالي الناس خرجت هدمت الدولة، لأنها مش مستحملة تاني، فلا بد أن أشتغل على كل قطاعات الدولة”.