سوشيال تريند
حالة من الجدل الواسع، شهدتها مواقع التواصل الاجتماعي، الساعات الماضية، بعدما شن نقيب الموسيقيين، الفنان مصطفى كامل هجومًا على الفنان صبري فواز.
وقال مصطفى كامل خلال حواره مع الإعلامية إنجي أنور مقدمة برنامج “مصر جديدة”،: “انت مالك يا صبري يا فواز، أنا جيبت حق مصر ليك ولأولادك، وهكتشف المواهب من خلال قواعد وضوابط نقابة المهن الموسيقية، دا جهل عيب لا تتدخل فيما لا يعنيك”.
بعدما أهانه أمام الجميع.. رد صادم من صبري فواز على مصطفى كامل
من جانبه رد عليه صبري فواز قائلا: “على فكرة .. القرارات اللي طلعت من نقابة المهن الموسيقية النهارده، حاجة كويسة جدا .. انك تستوعب كل مؤدي المهرجانات و تعمل لهم شعبة في النقابة _أيا كان اسمها مش مهم الإسم ويدفعوا اشتراكات و رسوم هاتفيد النقابة و اعضائها، دا غير انك هاتشغل مع كل واحد منهم مجموعة من العازفين من أعضاء النقابة .. هايفيد العازفين و هايطور أداء مغنيين المهرجانات”
وأضاف: “ان الغرض من البوست اللي عمل دوشة .. انه المنع لا يفيد لا النقابة و لا المغنيين ..و آدينا شفنا بعينينا ان المنع ما قدرش يحجب ( حاجة ) زي أنتش و اجري من الانتشار .
وتابع ” الطريق الأنسب هو اللي النقابة عملته ده برافو بجد .. و بالتوفيق للجميع .. و لو ان النقيب قال عليا جاهل في احد البرامج .. بس انا مسامح عشان القرارات الحلوة دي .. قشطة يابا؟”.
