سوشيال تريند
روت والدة شيرين القصة الحقيقة لتعدي شقيق شيرين عليها بالضرب، كما ذكرت الأسباب الحقيقية لإجبارها على دخول المستشفي، وذلك خلال مداخلة هاتفية ببرنامج “الحكاية”، وقالت: “حسام حبيب هو السبب في كل اللي حصل، وهو اللي علم بنتي كل حاجة غلط، بييجي وبيقعد معها في الأستوديو تحت وبيفضلو يشربو لوش الصبح، وعلم بنتي الشرب والإدمان».
وأكملت: «هي شيرين اتنازلت عن المحضر والقضايا، وفجأة لقيناه بييجي البيت تاني وبيقعد معاها تحت في الأستوديو ، ونازلين شرب وقرف، وطبعا الكلام ده مش بتاعنا ولا يصح أبداً»
وتابعت: «حسام حبيب ضيع بنتي، وكان سبب في ان بنتي تعمل حاجات كتير غلط، وخلاها تقاطعنا وتبعد عننا وتنسى حاجات بناتها كمان».
وواصلت: «في يوم المشكلة لقيت بنتي طالعه لي بتقولي إمشي من البيت وارجعي البيت القديم، فسألتها ليه يابنتي، قالتلي هو كده، انا عيزاكي تمشي، ولما اخوها عرف نزلهم الأستوديو وحصل المشادة بينهم، ولكن أخوها ما ضربهاش، هو بس خدها بالعافية وداها المستشفى».
وأكدت والدة شيرين في ختام حديثها، أن شيرين مريضة، ويجب أن تتعافى، موضحة” احنا أهلها وعارفين أكتر من أي حد، بنتي اتغيرت وانطفت ومابقيتش زي الأول خالص، حسبي الله ونعم الوكيل».