سوشيال تريند
كشفت الفنانة ألفت إمام عن سبب ابتعادها عن الفن الفترة الماضية قائلة «الوضع اتغير في الفترة الأخيرة وفى اختلاف عن زمان والوسط بقا فيه حاجة مش مظبوطة.. أنا ساحبة نفسي من السوشيال ميديا من بعد ثورة يناير، وفيه تغيرات طرأت على الفن.. أنا بشتغل في المهنة دى من 35 سنة وكنا بنقابل نجوم كبار وأجيال أقدم مننا واتعلمنا على ايديهم المواعيد المحترمة والاحترام المتبادل والجدية في الشغل».
وتابعت في لقاء مع الإعلامية ياسمين عز: «لازم نحترم المشاهد وعمري ما اتعودت أقبل وضع أنا مش راضية بيه.. أنا بشر مش آلة محدش هيدخلنى ستديو وتلاقى بعض الناس مش محضرين شغلهم وحاجات مطلوبة فا تتعطلى».
وقالت الفت إمام إنها حصلت على مجموع صغير في الثانوية العامة وكان أمنيتها أن تدخل كلية حقوق.. فدخلت معهد التمثيل وكانت مجتهدة.
وأوضحت: «أسرتنا مكنش فيها حد دخل المجال الفني ومكنش في نيتي أدخل عالم التمثيل ولكن ضعف مجموعي في الثانوية أجبرني على اختيار مسار آخر».
وأكملت: «كنت بحب القراءة والادب وكنت أتمني التفوق في مجال المحاماة وأنا بشتغل من صغري».