قامت الاعلامية ياسمين عز بأنتقاد بعض الزوجات بسبب العلاقة مع أم الزوج.

وقالت: «مش قادره افهم الستات اللي حاطين حمواتهم في دماغهم وتقولك ايه بقي انا جوزي راجل قدام الكل ويجي قدام مامته ميقدرش يقولها حاجه ودايما يقولها حاضر ونعم ياسلام انتي زعلانه ان جوزك متربي ومهذب».

وتابعت، عبر برنامج كلام الناس الذي يذاع عبر قناة إم بي سي مصر: جوزك اللي متفشخرة بيه قدام الناس طلع شيطاني كده، زرعتيه؟ جوزك مش شجرة زرعتيها وبقى ليكي لوحدك، فيه أم تعبت وسهرت وبقى راجل واتجوزك.

وأضافت عز : ده ابنك لو عملاله بامية، وقالك مش عايزاها بيكون نهاره مش فايت، لحد ما يسمع الكلام اللي انتي عارفه إنه مفيد ليه،هو حلال عليكي وحرام على حماتك؟.

جاءت نصائح ياسمين عز كالتالي:

1- جوزك مش شجرة زرعتيها وبقى ليكي لوحدك، فيه أم تعبت وسهرت وبقى راجل واتجوزك.

2 – متسأليهوش بتدي لأهلك كام، ماله وهو حر فيه.

3- متقارنيش نفسك بأهله وأمه واخواته هما كبروه لحد ما جوزوه وأنتي الزوجة المعززة المكرمة في مكانة لا تقارن. 4- اللي ملوش خير في أهله ملوش خير في أولاده

5- ملكيش دعوة بيقبض كام طالما مقالكيش.

اعتادت الاعلامية ياسمين عز اثارة الجدل بسبب تصريحاتها المثيرة والتي دائما تقف الي جانب الرجل فيها الامر الذي اثار غضب الكثير من السيدات لكونها سيدة مثلهم ولكنها دائما تنحاز للجانب الذكوري اكثر وهذه المره وجهت الإعلامية ياسمين عز، نصيحه للسيدات، قائله: مينفعش تقولي لجوزك وهو نازل خد كيس الزبالة في ايدك.