«أبرزها سنها الحقيقي وسؤال محرج من الزعيم».. تصريحات مثيرة لـ صفاء جلال

حلت الفنانة صفاء جلال، الساعات الماضية، ضيفة على الإعلامية ياسمين عز ببرنامج ” كلام الناس” والمذاع عبر قناة ” إم بي سي مصر”.

وخلال اللقاء تحدثت صفاء جلال، عن عملها مع الزعيم عادل إمام، قائله: “اشتغلت مع عادل إمام في مسلسل صاحب السعادة، وكان جسمي رفيع”.

«تخنتي ليه؟».. صفاء جلال تروي قصة تعرضها لسؤال محرج من عادل إمام

وأضافت: “غبت شويه وبعدين جيت أعمل ضيفة شرف معاه في مسلسل عوالم خفية، وكان جسمي مليان، قال لي تختي ليه يا صفاء قولت له الاكتئاب”.

وتابعت: “قال لي أوعي تزعلي ولا تكتئبي افرحي دائما واضحكي على طول وحبي الدنيا ولا تنظري للجانب السلبي في الحياة، وخليكي مبسوطة عمرك ما هتكبري”.

وقالت صفاء خلال اللقاء: “أنا اتجوزت وأنا عندي 24 سنة، صغيرة جدا، أنا اخترت أتجوز بشكل معين، وأتجوز راجل شرقي، وأمشي على هواه هو، وعلى حسب هو بيحب إيه؟، دلوقتي الستات هيشتموني على الكلام ده”.

وتابعت:“أنا لما بعمل شغل بعمله كويس قوي، بس ميأثرش على بيتي وعلى حياتي، وبرضه في رجالة وحشة كتير، أنا 90% من صحباتي مطلقات، وستات عادية مش ممثلات ولا أي حاجة”.

وأضافت: أنا بطلع كل سنة كل صحابي يتخانقوا معايا كل سنة أقول أنا كملت 48.. أنا شايفة أن أنا الحمد لله عيشت كل مرحلة عمرية بكل حاجة فيها حلوة ومش بتكسف أني أقول أنا عندي كام سنة”.

وأكملت: “بس شكل ليا مشكلة دلوقتي في الشغل أن أنا صغيرة على الادوار الكبيرة وكبيرة على الادوار الصغيرة، ففي فترة زمنية في حياة كل فنانة بتبقى السن بالنسبالها صعب.”