“الناس هتتريق عليا بسببها”| منة فضالي تخضع لعملية جراحية دقيقة.. ما هي؟

أعلنت الفنانة منة فضالي، خضوعها إلى عملية جراحية دقيقة خلال الساعات الماضية في ساقها، من خلال نشر صورة للعملية على حسابها الشخصي، عبر موقع تبادل الصور والفيديوهات إنستجرام.

وكتبت منة فضالي، على الصورة قائلة: “من شوية عملت عملية في رجلي بسبب صباعي، وكل ده من الباديكير”.

وتابعت: “في ناس هتتريق وتقول يعني إيه باديكير، هقولكم أنا بقالي ٩ أيام بشتغل وأنا تعبانة جدا وبتصور وبنزل صور وأنا بضحك وأنا في الكواليس وأنا وسط زملائي”.

وأضافت: “اللي عاوزه أقوله إن شغلانتنا صعبة مش ترفيه زي ما كل الناس فاكرة، احنا أكتر ناس بتكون مضغوطة وحقيقي محدش بيحس بوجعك غير نفسك”.

وأشارت: “بس بجد كل الناس في لوكيشن الونش من المخرج اسماعيل فاروق لآخر حد في الكرو كان بيساندني، شكرا ليهم فعلا وحقيقي حب الناس ده نعمة من ربنا”.

يذكر أن مسلسل “الونش” بطولة محمد رجب، ميمي جمال، ميرهان حسين، محمود عبد المغني، إيهاب فهمي، ومن إخراج إسماعيل فاروق.