سوشيال تريند
تلقى مبروك عطية، سؤال: “أنا متجوز من شهر وعايز أطلقها لأن كل أما اطلبها تقولى اتحايل عليا شوية؟، وأجاب عليه من خلال مقطع فيديو نشره على قناته الرسمية، بموقع الفيديوهات يوتيوب.
وقال مبروك عطية: “بتداعبك وبتضحك معاك يا حبيبي، أنا معرفكش جايز تكون من الطيبين والطيبين ميستعجلوش بالطلاق”.
وتابع: “أنت عايز حد يا حبيبى أما تقوله عايزك، يقولك يلا؟!، بتقولك اتحايل عليا شوية، اتحايل عليها سِنة، هو أنت عرفتها والا خلصت الفوط اللى أمها جابتهالها”.
وأضاف: “مفيش عيب غير انها بتقولك اتحايل عليا شوية بتناغشك، أقولهالك إزاى بتعملك مقدمات بتخرجك من حالة الجد، بتحبك، بتهزر معاك، احرص على بيتك، وأما تقولك اتحايل عليا شوية شوف صورتك فى المراية أكيد بتكون مكشر ملامحك مش مبسوط، مش باين عليك إنك عايز”.
وأشار: “يا حبيبي دى مراتك سرك وحلالك بقالك شهر عريس لسه نقش الحنة فى رجليها، دمار شامل كدا عشان بتقول اتحايل عليا شوية، يعنى هي بتقولك اتحايل عليا شوية بطريقة الجد والا بتقولك اتحايل عليا شوية بدلع، أكيد “بتتهز” وانت مكتبتليش إنها بتتنيل، مبتعرفش تفرق يا واد بين المداعبة والجد محدش علمك”.