سوشيال تريند
حالة من الجدل الواسع، أثارتها الإعلامية ياسمين عز، الساعات الماضية، بعد تصريحات مثيرة أطلقتها أثارت موجة غضب بين الرجال والنساء على مواقع التواصل.
وحرصت ياسمين عز على تقديم نصائح للزوجات لكسب أزواجهن، قائلة: «المركب اللى ليها ريسين تغرق ،لازم قبل ما تتجوزي تكوني عارفة أن رئيس المركب هو الزوج قولا واحدة والكلمة الأولى والأخيرة ليه”.
«لازم يشوفك مزة».. موجة غضب على مواقع التواصل بعد تصريحات مثيرة لـ ياسمين عز
وأضافت: ” الراجل من حقه يمسك تليفون مراته ويفتشه، وهي لا».
وتابعت: “حسسي زوجك باهتمامك به في حياته في لبسه وشكله، يا شيخة انتي مبقتيش تفتحي دولابه إلا عشان تفتشي في هدومه أو تطلعي كام غيار من هدومه تعملي بهم فوط مطبخ أو تمسحي بهم البلاط. والله لو اهتميتي بزوجك نص اهتمامك بغسيل السجاجيد عمره ما يفكر يبص لوحدة غيرك، وبعدين ماهو جايبها بفلوسه”.
وقالت أيضًا: “هو محتاج دايمًا يكون شايف قدامه المزة بتاعته، البنت اللي ساب ستات الدنيا واختارها عشان يكمل معاها، وتكون شريكة حياته.”
وانهالت التعليقات من جانب رواد مواقع التواصل والتي تهاجم ياسمين عز، حيث جاء أبرزها: “حد يشوفلها عريس ويريحنا”.
