سوشيال تريند
علق الإعلامي عمرو أديب، على وفاة الفنان هشام سليم، والذي رحل عن عالمنا الخميس الماضي، بعد معاناة مع مرض السرطان.
وقال عمرو أديب، خلال برنامجه “الحكاية”: «مفتكرش السنتين التلاتة اللي فاتوا حد مات وسيبناه في حاله، إحنا مش بنسيب حد يموت في سلام، قوله الله يرحمه ونقطة، بقيتوا متوحشين ليه؟!».
«خايف أموت».. عمرو أديب يفاجئ الجميع برسالة صادمة على الهواء
وتابع «أديب»: «هشام سليم توفى وسط أهله، ومشاكله كلها مع إخوته اتحلت، الراجل كان عيان بقاله سنتين، بس ده يفرق معاكوا في إيه!! إنه اتخانق مع أهله أو متخانقش، إن أهله كانوا جنبه ولا مكانوش جنبه، ما تسيبوا الناس تموت».
وأكمل: «ليه بنعمل في بعض كده، أنا بقيت خايف أموت، هتعملوا فيا إيه؟! أنا عارف هيتعملي حفلة غير طبيعية”.
واختتم: “مش عايز أموت مش خوفًا من الموت، مش عايز أموت علشان اللي انتوا بتعملوه ده”.