سوشيال تريند
حلت الفنانة هدى رمزي، الساعات الماضية، ضيفة مع الإعلامية “ياسمين عز” ببرنامج “كلام الناس” المذاع عبر شاشة ام بي سي مصر.
وخلال اللقاء، كشفت هدى رمزي حقيقة شائعات بيع الفنانة بوسي، أرملة نور الشريف لممتلكاته، على عربات “روبابيكيا” كما تم تداوله.
«ربنا فوق وهو تحت».. هدى رمزي تفجر مفاجأة عن بيع مقتنيات نور الشريف على عربات «روبابيكيا»
وقالت هدى: «امبارح كنت عندها وبالصدفة بقولها مش عايزه تطلعى في برنامج قالت لى: لأ أنا أفضل الابتعاد وهى حابه كده وقالت لى: إنتي مش شايفه أنا ماطلعتش وقالوا أني بيعت ممتلكات نور، وقالت لى يا هدى تتصورى أنهم تخيلوا أن أنا أو بناتى نبيع ممتلكات نور الشريف».
وتابعت: «بوسى قالت لى غالبا كان فيه شغالين وقت ما كنت منفصلة عن نور أخدوا الحاجات دى لأن نور قاعد فوق والحاجات دى كلها تحت”.
وأضافت: “بعد وفاة نور علطول مي وبوسى أخدوا كل الكتب بتاعته وحطوها في مكتبة الإسكندرية، تكريما لنور الرجل دا عندهم فعلا الله فوق ونور الشريف تحت مش هيبيعوا حاجه والكلام دا ظلم وهما أعلى بكثير من أن حاجة زى دى تأثر فيهم”.