سوشيال تريند
قالت الفنانة دينا الشربينى ضيفة على برنامج «معكم منى الشاذلى» الذي تقدمه الإعلامية منى الشاذلى، مساء اليوم، على قناة cbc أنها تعلمت ألا تحكم على حياة الأشخاص من الخارج.
وأضافت: «اتعلمت إن ممكن أبقى شايفة حد من برا إن حياته بشكل ما لكنها في الحقيقة بشكل تانى.. يعنى ممكن تبقي شايفة حاجة من برا بس عمرك ما تبقى عارفة إيه اللى جوا.. لذلك لا تحكم ولا تتكلم في الموضوع أصلا لأن عمرك ما هتعرف إيه اللى بيحصل».
وتابعت: «اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة».
من جانبها، قاطعتها منى الشاذلى قائلة: «يعنى اتعلمتي إن مينزلكيش صورة مكتوب عليها فريق العمل؟» لتجيب دينا الشربينى ضاحكة: «ده أكيد.. والله ما هتشوفوني فريق عمل في حياتى.. هيبقي في عمل بس».
تابعت: «فضلت فترة بيتقال (فريق العمل راح وجه)، بس أنا مش من النوع اللى بيدور كتير على السوشيال ميديا فمكنتش بقرأ كل الكلام ده، وكمان عمرى ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس».
مقالات أخرى قد تهمك:
عبير صلاح الدين تكشف كواليس خلافها مع محمد صبحي: «كل اللي رفض موته»
بسبب كلمة عن عمرو دياب دينا الشربيني تدخل في حالة ضحك هستيري.. فما هي؟