سوشيال تريند
حالة من الجدل الواسع شهدتها مواقع التواصل الاجتماعي، الساعات الماضية، بعد هجوم ناري من لورا عماد، زوجة الفنان شريف منير، على بناتها، مما جعلها تتصدر التريند.
وأعاد رواد مواقع التواصل الاجتماعي، تداول مقطع فيديو لزوجة شريف منير في برنامج “الستات ما يعرفوش يكدبوا”، وهي تتحدث فيه عن قرار ابتعادها عن الفن وعن تغير الفنان بعد الزواج.
«اتغير بعد الجواز».. زوجة شريف منير تكشف أسرار نارية عن الفنان لأول مرة
وقالت لورا عماد: “بعد ولادة فريدة لقيت نفسي متدبسة في مسئولية كبيرة، ومكنش عندي حد بيساعد غالبا لما الواحد يمثل بيبقى في حد بيساعد بس دا مكنش متوفر بالنسبة لي لذلك قررت الاعتزال عن الفن”
وعن زوجها شريف منير قالت: “كنت صغيرة وكنت بتجنن كتير والغيرة أخدت فترة من حياتي ودا طبيعي علشان السن”.
وتابعت: “شريف أتغير بعد الجواز عن فترة ما كان سينجل، أتغير للأحسن في حاجات كتير بالنسبة ليا، ومش بيخلني أحس بالغيرة.”
فيما فاجئ منير الجميع، منذ ساعات، بقيامه هو وبناته بإلغاء متابعة زوجته على انستجرام، وحذف جميع صورها.
وكانت لورا قد أثارت الجدل بمنشور قالت فيه: “رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!.”
وتابعت: “بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد!”.
وأضافت: “بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.”