سوشيال تريند
حلت الفنانة الشابة هدى المفتي، ضيفة برنامج “معكم” الذي تقدمه الإعلامية منى الشاذلي، عبر شاشة قناة cbc، وكشفت خلاله عن تعرضها إلى أزمة صحية نقلت على إثرها إلى المستشفى.
وقالت هدى المفتي :رجعت من الجونة بكورونا، وكانت لسه الكورونا في الأول وكنت من أول الناس اللى يجيلها في مصر ومكنتش عارفة إيه اللى يحصل.
وتابعت:طبعا مخدتش أدوية سيولة لما جاتلى الكورونا فجالى جلطة في الوريد اللى بيوصل الدم للأمعاء ومعرفتش، هو بس كنت بحس بأعراض معينة وبحس بحرقان غريب، وكنت فاكرة في حاجة في القلب عندى وعملت رسم قلب بس مطلعش في حاجة.
وأضافت:فى رأس السنة سافرت أنا وصديقتى لأسوان وفجأة تعبت تعب مش طبيعى وجع مؤلم، ورجعت القاهرة بطيارة بسرعة، واتبهدلت ولولا صحبتى كان حصلى حاجة وهى كانت بتساعدنى في كل حاجة.
وأشارت:دخلت المستشفى في القاهرة والدكاترة مش عارفين أنا عندى إيه وعملت أشعة وكل حاجة ومش عارفين وبطنى بتتنفح ووجع وألم غير طبيعى، وقرروا يفتحوا بطنى ولما فتحوا طلع عندى جلطة في الوريد اللى بيوصل الدم للأمعاء، وبسبب إنه متعالجش عمل غرغرينة في جزء من الأمعاء، فقررا يستأصلوا الجزء ده، وكانت عملية كبيرة وفضلت فترة طويلة في العناية المركزة أكتر من شهر ومنعوا عنى الأكل والماء.