سوشيال تريند
كشف الفنان حازم إيهاب كواليس معاناته مع ابنه “يونس” قبل وبعد وفاته، في لقاء على “يوتيوب”، والذي كسب تعاطفًا كبيرًا بين جمهوره، حيث توفى نجله بعد 13 يومًا من ميلاده.
وأوضح حازم إيهاب أنه حصل على فتوى من الأزهر الشريف بجواز إجهاض ابنه الذي توفى في مارس الماضي بسبب عيب خلقي في القلب، لكنه رفض إجهاضه قائلًا: “تفكيري اللي ربنا كاتبه له هيشوفه بس مش هعرف أسامح نفسي لو كنت وافقت على إجهاضه كنت ممكن أطارد نفسي وألومها بعدها بكام شهر مش جايز كان ربنا حط فيه معجزة”.
واستعاد حازم إيهاب لحظات وفاة ابنه قائلًا: “لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى، وطبعًا من سذاجتي عشان
أول مرة أكون في موقف زي ده روحت مكلم حد حجزلي قاعة عزاء وبعدين اكتشفت أنه الأطفال مبيكونش ليهم عزاء أصلا”.
وأضاف: “برضو من سذاجتي باخد يونس وهو في الكفن ورايحين نصلي عليه، فإمام المسجد لقيته بيضحك وقالي يا حبيبي إحنا بنصلي على المتوفى عشان ربنا يخفف عنه ويرحمه وكده.. فإحنا بنصلي على ده ليه؟ ده إحنا نحاول نتمحك فيه بس كده عشان يدخلنا معاه الجنة، وراح واخده مني وحاطه مع نعش حد كان بيتصلى عليه برضو وروحنا مصلين عليه”.
مقالات أخرى قد تهمك:
«حزينة».. والدة إيهاب جلال تدخل في نوبة بكاء وترفض تناول العلاج
رشوان توفيق: «أرواح الأموات بتزورني كتير».. وهذه وصيتي