سوشيال تريند
هاجم الفنان أحمد فلوكس الدكتور أشرف زكي نقيب المهن التمثيلية بسبب إعلانه لإطلاق مهرجان للدراما وتجاهله للممثلين الذين يعانون من ضائقة مالية ولا يجدون عمل مناسب لهم على حد قوله.
حيث نشر أحمد فلوكس مقطع فيديو له عبر حسابه الشخصي على موقع التواصل الاجتماعي “إنستجرام”، قال فيه: “شيء محزن ومخجل اللي بيعمله نقيب المهن التمثيلية في أنه مستمر في أفعاله اللي لا يحاسب عليها”.
وتابع فلوكس: “في ظل أن فيه ممثلين اشتكوا أن مفيش فلوس ومفيش شغل زي أستاذ خالد زكي، طلع النقيب بتاعهم يعلن عن مهرجان للدراما اللي هي أساسًا منتهية، واحنا شوفنا نتيجة الدراما والفن في كل القواضي اللي حصلت في الكام شهر اللي فاته”.
وأضاف: “ولما طلعنا قولنا أنه مش وقت سبوبة، طلع قال احنا بنعمل دار مسنين اللي هو سبوبة أكتر، ومتاجرة أكتر بآلام الفنانين اللي مش لاقيين يعيشوا”.
واختتم حديثه: “عيب عيب اللي أنت بتعمله دا عيب ولا يصح ولا يليق باسم الفنانين المصريين، ومش معنى أنك النقيب يبقى كل الفنانين في مستواك”.