سوشيال تريند
حل الفنان رضا حامد، الساعات الماضية، ضيفًا مع الإعلامية ياسمين عز ببرنامج “كلام الناس” المذاع على قناة “MBC مصر”.
وانهار حامد من البكاء، خلال الحلقة أثناء حديثه عن سبب استبعاده من مسرحية “بودي جارد” للفنان عادل إمام، وعدم ظهوره في النسخة المصورة تلفزيونياً.
رضا حامد ينهار على الهواء: «عادل إمام طردني ومش لاقي آكل عيش»
وأكد رضا أن “الزعيم” طرده بعد وشاية تضمنت كلاما مغلوطا، قائلا: ” اشتغلت مع عادل إمام ٩ سنين وناس نقلت له كلام غلط عني فاستبعدني من مسرحية بودي جارد”.
وأضاف: ” عادل إمام تاريخ كبير جدا وربنا يعفو عنه إذا كان فيه ظروف صحية مش كويسة واشتغلت معاه 9 سنين وفي أحد المواقف على المسرح قاللى ياواد يا رضا انت ممثل جامد أوي.”
وتابع: “مهما حصل من اختلاف مع عادل إمام ولو ناس نقلت له كلام غلط عني منقدرش نجيب سيرته إلا بكل خير واحنا اتعلمنا الكوميديا والتمثيل منه.”
كما كشف رضا حامد، عن أزمته التي يعاني منها حاليا قائلا:” بقالي فترة مش باكل عيش وابني بقى قلقان عليا وشايف إني ممثل كويس ومش شغال مع إن غيري بيشتغلوا عادي”.
وأكمل : “ابني بقى يبحث لي عن شغل وتواصل مع المؤلف عبد الرحيم كمال على الفيس بوك وطلب منه يشغلني، وعبد الرحيم قال له إني ممثل محترم وهيكون فيه تعاون بيننا مستقبلا.”